ليون جا تال ديك الفسحة .. و شير بيدو .. مشاو دوك الزّعرات بخيبة أمل .. و رجع هو جلس مقابل معاه .. كتفصلهم غير طبلة د زاج .. محطوط عليها شراب .. و مدوموندي “صخر” على أعز اكلة عندو ل هي paella valenciana

.. هز عينو العسلييين لونهم كي الشهد .. كل مرة كايتسيفو فلون .. تحت شميسة كيبقاو يبهاتو حتا كيرجع لونهم خضيضر بااااهت .. طول شوفة ف ليون .. طلع و نزّل فيه .. بشوفات مكيتفهموش ..

ليون همس ب “hola” .. و كمل بالدّريجة ؛ نتمنى تكون مرتاح .. و لقيتي راحتك .. ف الكازينو عندنا ..(ختم هضرتو ب ابتسامة غامضة)

صخر قوس ظهرو ..و هز باكية د الgارو .. جبد واحد وحطو بين شنايفو تا شعلو ..مصّ دخان و هو سااااد عويناتو ..و رجع جر الgارو بزوج صباع من فمو و نفث داك الدخان مشكل الضبااااب قدامو ؛ غانرتاح ..فاش نشْدد فْلوسي ..

ليون غير متبع حركاتو و عينيه عليه كي صقر عليه ؛ غانضطرو نتعطلو شويا .. حيت ماشي أي واحد كايربح هاذ المبلغ كامل .. و صيفطت رجالي للبنك باش يسحبو المبلغ كامل و كاااااااش من الكونط ديالي ..

صخر هز الكاس د الكولورينو ديالو رشف منو .. كيتلذذ بداك طعم ؛ ممم ..مزياااان ..تا انا هنبغي نشد فلوسي كااااش ..

ليون ؛ شنو جابك ل إيطاليا ! (جاه نيشان)

صخر ؛ (دفع واحد رجل فوق طبلة .. و تكا بظهرو على الفوطوي لايح يدو و عينيه ديما كيبانو ناعسين) جابني ليها الفضول .. (ضور عينيه ف الكازينو بملل واضح) و هاذ الكازينو ..

ليون كيمسح شعرو لي صفرررر .. و كيعض على شنايفو ؛ على ما كنظن .. و باش نكونو واااضحين .. معندي تا مشكل معاك .. و لا غلطت !!

نطق صخر بالإسبانية مرافق هضرتو بتبسيمة ماكرة ؛ vamos, no pierdas mi tempo
(ماضيعش ليا وقتي بهاذ الهضرة)

و كمل ؛ كي قلت ليك .. جاي غير نفوج .. الجو د المكسيك خنقني .. عكس ايطاليا .. hermosa (زوينة) ..

ليون شاف رجالو وصلو و هازين صيكان د الجلد ف القهوي .. كيبريو .. زوج صيكان كبااااار .. شدهم ليون .. بشوفة وحدة طارو من تما ..

و حط صيكان عند رجليه .. دفعهم بيدو تا وصلهم ل صخر و رجع جلس ؛ ها فلوسك .. كاااااش ..(قالها و حاس بحسرة .. هاذ الفلوس كثيييييرة و غاترجع عليه بخسارات بزااااااف .. مابغاش يبين غضبو ..تنهد لداخل و تبسم بزز ..سارط ديك الغصة)